Celebramos o Día Escolar da Non Violencia e a Paz

Desde 1964, para conmemorar a morte de Mahatma Gandhi, celébrase o 30 de xaneiro o Día Escolar da Non Violencia e a Paz, recoñecido pola UNESCO en 1993.

Nesta data lémbrase a necesidade da educación para a tolerancia, a solidariedade, o respecto aos Dereitos Humanos, a non violencia e a paz.

 

O lema deste día é:

"Amor universal, Non-violencia e Paz. O amor universal é mellor que o egoísmo; A non-violencia é mellor que a violencia; e, a  paz é mellor que a guerra".

Unha forma de ver o significado da PAZ a través dos ollos dos nenos e nenas:

www.edu.xunta.es/centros/ceipisaacperal/system/files/paz2.ppt

(Presentación extraída da web do CEIP Isaac Peral, de Ferrol)

LIMs sobre a PAZ

O Equipo de DLG

Aquí temos o noso calendario para este ano 2016!!!

Así quedou o calendario deste ano, que desde o equipo de DLG quixemos dedicarlle a Manuel María, homenaxeado este ano nas Letras Galegas.

Queremos agradecer a colaboración  dos nenos e nenas do cole, que nos mandaron propostas para ilustralo e que quedase tan bonito.

Non puidemos incluír todos os debuxos pero queremos destacar a labor de todos os participantes.

Algúns dos debuxos que incluímos:

Miguel 3º de Educación Primaria.

Ruth 3º de Educación Primaria.

  

Araceli, nai de Carlos 5º de Educación Primaria.

Grazas pola colaboración.

O Equipo de DLG

CANCIÓN PARA A PAZ

Esta é a danza da esperanza, danza capaz de sementar paz. Ombro con ombro pódese todo. Ombro con ombro pódese todo. Dá un taconazo. Levanta un brazo e con donaire dálle ao cu aire. Colle a orella da túa parella. Faille cóchegas. Ponte en crequenas. Esta é a danza da esperanza, danza capaz de sementar paz.

Agora dá un brinco, ou mellor cinco!, e tres palmadas con gargalladas. Esta é a danza da esperanza, danza capaz de sementar paz. Logo, ao compás, anda cara atrás, e cara adiante, coma un xigante. Pinta un momento PAZ no vento. Grita un segundo: “PAZ NO MUNDO”.

LEMBRÁDEVOS DO NOSO CALENDARIO 2016

Agradecemos moito a toda a nosa comunidade educativa que, como xa vimos comentando desde hai semanas, participedes no concurso de ilustracións para o noso calendario 2016.
Toda a información na nosa páxina web

GUÍAS CON RECOMENDACIÓNS PARA TODAS AS IDADES

Xa están aquí: Pulsando enriba da ligazón anterior lévavos ás nosas recentes guías coas publicacións de lecturas de distintos xéneros, música, con CD e/ou DVD, hai tamén unha "peli" para adultos baseada na obra "A ESMORGA"... 
Son tres guías distintas, segundo as idades e etapas educativas, e todas elas levan un apartado para adultos (familias).
Que o pasedes ben, lendo, escoitando, vendo..., que vos aproveiten e tamén agradecemos moitísimo que lles deades toda a difusión que poidades.
 
INFANTIL COORDINADORA DE EDLGS. DO MORRAZO

 PRIMARIA COORDINADORA DE EDLGS. DO MORRAZO  

SECUNDARIA COORDINADORA DE EDLGS. DO MORRAZO