Correlingua 2016 - A Gramola Gominola

CORRELINGUA é o termo co que se coñece a celebración dunha serie de marchas reivindicativas en prol dos dereitos da lingua galega que transcorren polas distintas comarcas de Galicia.

Se queredes saber máis sobre esta festividade, picade na seguinte imaxe.

Este ano o Correlingua desenvolveuse baixo o lema "O galego está en nós", inspirado nun poema de Manuel María, escritor homenaxeado este ano nas Letras Galegas.

Na nosa comarca (O Morrazo) celebrouse en Cangas.

A banda convidada para amenizar este acto foi "A GRAMOLA GOMINOLA". A Gramola Gominola é un grupo de música infantil, en galego, pensado para as máis pequenas e pequenos da casa. Pero non é un grupo máis, non é o de sempre, é unha banda de rock!

Por se queredes escoitar algunhas cancións desta divertida banda, aí vos vai un Symbaloo con algunhas que atopamos por youtube:

O Equipo de DLG

Dicionario Visual Interactivo

Unha páxina moi interesante coa que, mediante xogos, podedes aprender moitísimo vocabulario en galego:

O Equipo de DLG

Frases feitas en Galego

Aquí tedes un LIM de Frases Feitas en galego:

O Equipo de DLG

Concurso de adhesivos

Pasade por este enlace da páxina web do cole para enterarse mellor das bases do concurso, dos modelos doutros anos...

Picade na imaxe:

O Equipo de DLG

17 de Maio, Día das Letras Galegas

O Equipo de DLG

Homenaxe a Manuel María no cole (13 de Maio)

Como homenaxe ás Letras Galegas, fixemos un festival no cole coa temática do autor deste ano: MANUEL MARÍA.

O mural que presidiu este acto foi o seguinte. Elaborado coas fotos que nos aportou toda a comunidade educativa relacionada co noso CEIP:

O cartel que informaba do acto que se celebraba ese día no cole era éste:

 

O Equipo de DLG

Audiovisual “Vivindo en galego” da Coordinadora de EDLG

Abrimos entrada con esta grandísima frase da obra Sempre en Galiza de Castelao:

“Se aínda somos galegos é por obra e gracia do idioma”.

Achegámosvos un audiovisual da Coordinadora de Equipos de Dinamización da Lingua Galega do Morrazo, realizado por varios coles e institutos da zona.

Este audiovisual quere darnos azos a todas as persoas, especialmente ás máis novas, de que falando galego enriquecémonos inmensamente.

A través de diferentes persoas, tanto anónimas como coñecidas, facemos un breve repaso do que significa para os galegos o idioma galego. E o relevante que é inculcarlle ás novas xeracións a importancia de que o noso idioma siga vivo e como di unha persoa no audiovisual “Que dure mil primaveras máis”.

AÍ VOS VAI!!!

O Equipo de DLG

Adiantándonos ao 17 de Maio, Día das Letras Galegas

Aquí vos poñemos un Symbaloo con temática: as Letras Galegas e Manuel María:

Esperamos que vos sexa de axuda.

O Equipo de DLG

Os Maios

O venres 29 de Abril celebramos no cole o día dos Maios como se ven facendo desde fai uns anos.

O Faro de Vigo fíxose eco da noticia desta festividade tan chamativa. Podedes ler a noticia se picades na seguinte imaxe:

Un LIM que vos pode ser de axuda para coñecer máis desta tradición que se leva a cabo na vila de Aldán (tamén podedes atopalo na páxina web do cole):

 

O Equipo de DLG