DAMOS A LINGUA

BLOGUE DO EDLG

Porque a diversidade enriquécenos, porque as linguas son depositarias da historia, expresan a identidade, contribúen ao coñecemento humano e son interesantes por si mesmas.

Aquí estamos cunha nova andaina que este curso terá que ver co noso proxecto "UNHA VIAXE POLO TEMPO", sen esquecernos do noso obxectivo principal que é dar, entregar, doar a nosa lingua a todas aquelas persoas que queiran recibila, como nola agasallaron a nós. Así darémoslle vida a este marabilloso patrimonio que é o noso idioma, creado con amor, con ledicia, con saudade, con agarimo ... polos nosos antepasados ao longo de centos de anos e que lles serviu para vivir, amar, gozar, sufrir, crer, soñar, evolucionar, desenvolverse ... durante séculos.

Podemos ler o romance de Darío Xoán Cabana sobre a historia da lingua galega aquí e escoitala pulsando aquí

Agradecemos calquera comentario, crítica construtiva... en edlgespinheira@gmail.com

Para saber máis podedes entrar en

venres, 5 de febreiro de 2016

O Entroido en Galicia

O Entroido é unha festa de carácter tradicional que se celebra entre os meses de febreiro e marzo.

O Entroido celébrase en Galicia con características particulares e con disfraces e festividades moi diversas.

Son moi recoñecidas as celebracións de Xinzo de Limia, Laza, Verín, Vila de Cruces, A Estrada, Vilaboa… e moitas máis poboacións de Galicia.

Os Bolechas cóntannos o que é o Entroido:

Pica na imaxe

Unha web interesante é a que a continuación aparecerá se picades na imaxe. Nos fala do que é o Entroido, a gastronomía desta época do ano, lugares onde se celebran os Entroidos máis sonados...

Pica na imaxe

E... se teño fame, que podo comer no Entroido? Velaí vos vai un enlace a moitos pratos típicos desta festividade e como preparalos:

Pica na imaxe

Pasade unhas BOAS VACACIÓNS!!!

O Equipo de DLG

No "Espiñeira" celebramos o Día da Paz

Homenaxe aos países do mundo no Día da Paz.

P.S. Algunhas fotos da Danza pola Paz que fixemos no cole:

O Equipo de DLG

luns, 1 de febreiro de 2016

Celebramos o Día Escolar da Non Violencia e a Paz

Desde 1964, para conmemorar a morte de Mahatma Gandhi, celébrase o 30 de xaneiro o Día Escolar da Non Violencia e a Paz, recoñecido pola UNESCO en 1993.

Nesta data lémbrase a necesidade da educación para a tolerancia, a solidariedade, o respecto aos Dereitos Humanos, a non violencia e a paz.

O lema deste día é:

"Amor universal, Non-violencia e Paz. O amor universal é mellor que o egoísmo; A non-violencia é mellor que a violencia; e, a paz é mellor que a guerra".